Metroo de Vieno

Metroo de Vieno
U-Bahn Wien
metroo
Komenco	majo 1976 vd
Antaŭe	Wiener Elektrische Stadtbahn • Urbfervojo de Vieno vd
Geografia situo	48° 14′ 29″ N, 16° 21′ 48″ O (mapo)48.241516.3632Koordinatoj: 48° 14′ 29″ N, 16° 21′ 48″ O (mapo)
Lando(j)	Aŭstrio vd
Situo	Vieno
DEC
Metroo de Vieno
Posedata de	Wiener Linien vd
Partoj U1, U2, U3, U4, U5 kaj U6 vd
Retejo	Oficiala retejo
v • d • r

La metroo de Vieno, Aŭstrio, konsistas el kvin metrolinioj kun 90 stacioj kaj entuta linilongo de 74 kilometroj. Du el la linioj (U1 kaj U3) estas diametraj linioj kaj trairas la urbocentron, du el ili (U2 kaj U4) kune formas cirklon ĉirkaŭ ĝi por poste same atingi pli periferiajn regionojn, kaj unu (U6) konektas la internajn kaj eksterajn urbodistriktojn inter si. Dum la trajnoj de la linioj U1 ĝis U4 prenas sian energion el kontaktrelo, pro historiaj kialoj la linio U6 uzas supertrakan kontaktan lineon kaj tial ankaŭ malsamajn vagonojn.

La unua testa sekcio de la moderna metroo (germanlingve U-Bahn) malfermiĝis en 1976 kaj la unua tute novkonstruita segmento en 1978. Du el la linioj (U4, U6) uzas parte la trakojn de la antaŭa urbfervojo de Vieno unue malfermita en 1898.